Mánáidprográmmaid buvttadeaddji, Yle Sápmi/ Lastenohjelmien tuottaja, Yle Sápmi

Mánáidprográmmaid buvttadeaddji, Yle Sápmi

Yle Sápmi ohcá hutkás, doaimmalaš ja ámmátmáhtolaš mánáidprográmmaid buvttadeaddji.

Maid sáhtát vuordit?

Mánáidprográmmaid buvttadeaddjin dus lea ovddasvástádus sámegielat prográmmasisdoaluid plánemis ja buvttadeamis gitta almmustahttima rádjai.

Mánáidprográmmaid buvttadeapmái gullet earret eará prográmmaideaid hutkan ja giehtačállin, govvemiid ordnen, láidesteaddjiid ja loaiddasteaddjiid rekryteren ja bagadallan, prográmmaid háhkan, ovttasbargoguimmiiguin gulahallan ja diehtojuohkin.

Mii buvttadat audio- ja videohámat mánáidprográmmaid Yle Areenai, rádioi ja televišuvdnii anáraš-, nuortalaš- ja davvisámegillii. Sámegielat mánáidprográmmain lea erenoamáš mearkkašupmi sámemánáide.

Barggat Anáris Yle Sámi doaimmahusas, gos buvttadit maiddái ođđasiid golmma sámegillii ja suomagillii. Mielbargin dus lea visuála journalista.

Sáhka lea fásta barggus.

Maid mii vuordit dus?

Dus lea vásáhus mediabuvttademiin dahje sullasaš bargguin, ja leat gearggus ovddidit ja ođadit prográmmasisdoaluid. Dus leat erenoamáš buorre ovttasbargo- ja gulahallanattáldagat ja máhtát bargat mánáiguin.

Mánáidprográmmaid buvttadeaddjin galggat nákcet bargat iehčanasat, váldit ovddasvástádusa ja čoavdit iešguđet čuolmmaid. Ovttasbargu čanusjoavkkuiguin ja davviriikkalaš ovttasbargoguimmiiguin lea dehálaš.

Hálddašat ollisvuođaid ja máhtat višuneret dan, maid mánáidprográmmaid buvttadeapmi sisttisdoallá. Nagodat plánet buvttadeami guhkit áigái ja árvvoštallat buvttadeami resurssaid ja bušeahta. Máhtát maiddái jođihit prošeavttaid. Bargorolla lea máŋggabealat ja leat dárbbu mielde maiddái ieš konkrehtalaččat mielde bargamin sisdoaluid.

Dus lea nana sámegiela njálmmálaš ja čálalaš dáidu. Ávkin lea jus máhtát máŋga sámegiela.

Dárbbu mielde sáhtát mátkkoštit miehtá Sámi. Dasa dárbbašat vuodjinkoartta.

Manne midjiide?

Yle Sápmi lea Suomas áidna media, mii buvttada jeavddalaččat sámegielat mánáidprográmmaid. Máŋggabealat bargu fállá vejolašvuođa ovddid