Doaimmaheaddji, Yle Sápmi/ Toimittaja, Yle Sápmi

Háliidatgo raporteret sápmelaččaid beroštahtti dáhpáhusain ja olbmuin? Ohcat movttegis ja doaimmalaš doaimmaheaddji Yle Sámi doaimmahussii.

Maid sáhtát vuordit?

Doaimmaheaddjin du bargun lea raporteret ođđasiin, dáhpáhusain, olbmuin ja fenomenain, mat beroštahttet sámeservoša. Barggat luohtehahtti beaivválaš ođassisdoaluid ovttas eará doaimmahusain sámegillii ja dárbbu mielde maiddái suomagillii. Ođasbuvttadeaddjit stivrejit ja rávvedit du barggus.

Manat roahkkadit dohko gos dáhpáhuvvá ja doaimmahat sisdoaluid iešguđet almmustahttinlávddiide. Čálát sihke jođánis ja čiekŋalis ođđasiid nehttii, jearahalat olbmuid radioi ja televišuvdnii ja govvet ja čuohpat ođasvideoid maiddái ieš. Lágidat maiddái beaivválaš rádiosáddagiid.

Sáhka lea fásta barggus. Yle Sámi doaimmahus lea Anáris.

Maid mii vuordit dus?

Mii atnit árvvus suorgái heivvolaš skuvlejumi, journalisttalaš vásáhusa ja movtta bargat ođđasiid sáme- ja eamiálbmotfáttáin.

Lahkonat roahkkadit ođđa olbmuid ja ozat aktiivvalaččat ođasfáttáid. Máhtát čilget áššiid čielgasit ja nu ahte daid lea álki áddet. Dieđát mii lea dehálaš ođas dahje áigeguovdilis fenomena, mii beroštahttá olbmuid.

Vai lihkostuvat barggus dus galgá leat buorre sáme- ja suomagiela njálmmálaš ja čálalaš dáidu. Čálát áddehahtti teavsttaid ja raporteret roahkkadit áššiin nu kámera go mikrofonage ovddas - maiddái njuolggosáddagis.

Manin midjiide?

Yle Sámi bargun lea bálvalit Sámi álbmoga ja juohkit dieđu sámiid guoski áššiin sihke báikkálaččat ja maid riikkadásis. Mii leat áidna media, mii buvttada jeavddalaččat ođas- ja áigeguovdilis sisdoaluid ja mánáidprográmmaid davvisáme-, anáraš- ja nuortalašgillii. Máŋggabealat barggus beasat ovddidit iežat čehppodaga doaimmaheaddjin.

Yle Sámi doaimmahus Anáris gullá Yle ođđasat ja valáštallan -ovttadahkii, Ovttadatsisdoalut ja doaimmat -ossodaga Oktasaš sisdoaluide.

Beroštuvvetgo?

Jus beroštuvvet barggus, deavdde ohcamuša maŋimustá19.5.2026 ja lavtte mielde ohcanreivve ja ánsologahallama.

Lassidi